Kynjaþing 2018

Velkomin á Kynjaþing 2018, haldið í 3. mars 2018 í Tækniskólanum á Skólavörðuholti.

Á kynjaþinginu gefst fólki og félagsamtökum tækifæri til að kynna sig og kynnast öðrum sem eru virk í jafnréttisbaráttunni.

Þú getur staðið fyrir viðburði, málþingi eða sýningu, verið með kynningu á starfinu þínu, eða bara mætt og kynnt þér það helsta sem er að gerast í jafnréttismálumbaráttunni í dag.

Þátttaka á Kynjaþinginu er ÓKEYPIS!

Skráðu viðburð á Kynjaþing | Skráðu þig á póstlista

Tölum saman! Höfum hátt!

Dagskrá

Kynjaþingið er lýðræðislegur og femínískur vettvangur fyrir almenning.

Dagskrá þingsins er skipulögð af þátttakendum og hugmyndin er sú að auka samræður milli okkar sem er annt um jafnrétti í heiminum.

Tækniskólinn á Skólavörðuholti

Tækniskólinn er staðsettur í húsi gamla Iðnskólans í Reykjavík, á Skólavörðuholti.

Gott aðgengi er að húsnæði Tækniskólans. Kynjaþingið er haldið á 2. hæð og er lyfta upp á hæðina.

Gott aðgengi er að kynfrjálsum salernum.

Sjáið Tækniskólann á Google Maps.

Félög

Kvenréttindafélag Íslands heldur utan um Kynjaþing 2018, en heiðurinn af dagskrá þingsins eiga félagasamtök og aktívistar sem starfa að jafnréttismálum á Íslandi.


Blátt áfram er forvarnarverkefni gegn kynferðislegu ofbeldi á börnum.

Femínistafélag Háskóla Íslands er þverpólitískt félag háskólanema sem vilja berjast fyrir jafnrétti kynjanna.

Femínísk fjármál er óformlegur hópur femínista sem hafa áhuga á kynjaðri fjárhagsgerð og starfa innan stjórnsýslunnar og í háskólasamfélaginu.

Kvennahreyfing Viðreisnar er jafnréttishreyfing stjórnmálaflokksins Viðreisnar.

Kvennaráðgjöfin er ókeypis lögfræði- og félagsráðgjöf fyrir konur sem var stofnuð af konum til að bæta aðgang kvenna að sérfræðiaðstoð og tók til starfa 1984.

Kvennasögusafn Íslands miðlar þekkingu um kvennasögu og rannsóknir og aðstoðar við öflun heimilda. Það er eina safnið sinnar tegundar á Íslandi.

Kvenréttindafélag Íslands var stofnað árið 1907 af Bríeti Bjarnhéðinsdóttur og hefur starfað að bættri stöðu kvenna í 110 ár. Markmið félagsins er að vinna að kvenréttindum og jafnri stöðu kynjanna á öllum sviðum samfélagsins. Félagið leggur áherslu á mannréttindi í víðum skilningi og vinnur gegn hvers konar mismunun.

#MeToo hópur kvenna af erlendum uppruna er óformlegur hópur kvenna af erlendum uppruna sem tekið hafa þátt í umræðunni um #metoo á Íslandi síðustu misserin.

Myndin af mér er stuttmynd eftir Brynhildi Björnsdóttur, Þórdísi Elvu Þorvaldsdóttur. Myndin er byggð á sönnum frásögnum úr íslenskum raunveruleika þegar nektarmyndir, sem eru sendar í trúnaði, fara á flakk og áhrifin sem slíkt hefur á líf þeirra sem fyrir því verða.

Landssamband Sjálfstæðiskvenna er kvennahreyfing Sjálfstæðisflokksins.

Rótin er félag áhugakvenna með það markmið að stofna til umræðu um konur, fíkn, áföll, ofbeldi og geðheilbrigði og huga að sérstökum meðferðarúrræðum fyrir konur.

Samtök launafólks standa að viðburðum á Kynjaþingi til að ræða um kynbundinn kjaramun og aðferðir til að ná fram jafnrétti á launamarkaði. ASÍ, BSRB, BHM og .

Samtökin ’78 eru hagsmuna- og baráttusamtök hinsegin fólks á Íslandi. Markmið félagsins er að lesbíur, hommar, tvíkynhneigðir, asexual, pankynhneigðir, intersex fólk, trans fólk og annað hinsegin fólk verði sýnilegt og viðurkennt og njóti fyllstu réttinda í íslensku samfélagi.

Stelpur rokka! efla og styrkja ungar stelpur, trans og kynsegin krakka í gegnum tónlistarsköpun og jafnréttisfræðslu.

Stígamót eru grasrótarsamtök sem berjast gegn kynferðisofbeldi og veita aðstoð fyrir fólk sem hefur verið beitt kynferðisofbeldi.

Stop the Traffik: ACT Iceland is the Icelandic branch of a global movement fighting to: PREVENT// PROTECT // PROSECUTE on behalf of trafficked people all around the world.

Tabú er femínísk hreyfing þar sem við beinum sjónum okkar að margþættri mismunun gagnvart fötluðu fólki. Hún er sprottin af baráttukrafti kvenna, sem hafa ekki einungis upplifað misrétti á grundvelli fötlunar og kyngervis, heldur einnig mögulega kynhneigðar, kynþáttar og aldurs svo eitthvað sé nefnt.

WIFT á Íslandi. Samtök kvenna í sjónvarpi og kvikmyndum, Women in Film and Television, voru stofnuð í Los Angeles á sjöunda áratugnum með það aðalmarkmið að stuðla að fjölbreytni í myndrænum miðlum með því að virkja konur, gera þær sýnilegri og styðja þátttöku þeirra í öllum hlutverkum í framleiðslu kvikmynda og sjónvarpsefnis.

Skráning

Viltu vera með viðburð eða kynningu á Kynjaþingi 2018?
Skráðu þig hér!

Athugið, að aðeins þeir sem vilja standa að viðburði þurfa að skrá sig sérstaklega. Ef þú vilt bara fylgjast með, geturðu skráð þig á póstlistann okkar.

Sjáumst!